Bu barədə Amerika KİV-ləri Demokratik Partiyadan qaynağa istinadən yayıblar

FaktXeber.com-un verdiyi məlumata görə, ABŞ prezidenti yeni dövlət katibi kimi senator Con Kerrini təyin edəcək. Bu barədə Amerika KİV-ləri  Demokratik Partiyadan qaynağa  istinadən yayıblar.

Hələ ki, Ağ Ev informasiya barədə şərh verməyib.

Xatırladaq ki, cümə axşamı ABŞ-ın  BMT-dəki  daimi nümayəndəsi Syuzan Rays  dövlət katibliyinə namizədliyini geri götürmüşdü. Uzun illər məhz o, Hillari Klintonun varisi hesab olunurdu. Rays prezidentə məktubunda bildirmişdi ki, onun bu vəzifəyə keçməsi  bir sıra çətinliklərə və fikir ayrılıqlarına səbəb ola bilər. Qeyd  edək ki, o, Liviyada ABŞ səfirliyinə hücumla əlaqədar şərhinə görə, respublikaçılar tərəfindən sərt tənqid olunmuşdu. O zaman  Rays  faciənin səbəbi kimi «Müsəlmanların məsumluğu» filmini göstərmişdi. Respublikaçılar hesab ediblər ki, Rays Benqazi hadisəsini «təbii fəlakət» adlandırmaqla ictimai fikri yanlış yönə yönəldib, yəni belə çıxıb ki, heç nə faciənin qarşısını ala bilməzdi.