Sabirabad rayonunda oğurluqla məşğul olan mütəşəkkil dəstənin üzvləri həbs olunub. 

Bu barədə Sabirabad rayon Polis Şöbəsindən məlumat verilib.
 
Məlumata görə, rayonun İ.İsgəndərov küçəsi 95 ünvanında yerləşən Sabirabad Dövlət Sosial İqtisad Kollecindən 6 ədəd kompüter oğurlanması ilə bağlı polisə məlumat daxil olub.
 
Daxil olan məlumat əsasında polis əməkdaşlarından ibarət əməliyyat qrupu yaradılıb. Keçirilən əməliyyat-axtarış tədbirləri nəticəsində oğurluqda şübhəli bilinən rayon sakinləri Ceyhun Məmmədov, Anar Məlikov və Qardaşbala Əsgərov tutulublar.

Faktla bağlı cinayət işi başlayıb.