"Söz” Analitik Araşdırma Bürosu "İlin ən pisləri” ilə bağlı araşdırmaların nəticələrini təqdim edib. 

Ölkənin 4 ən böyük şəhərinin 2 min respondenti arasında aparılan sorğunun nəticələri çox maraqlıdır. 

Məlum olub ki, "İlin ən pis nazirliyi” Təhsil Nazirliyidir. 

"İlin ən pis deputatı” adına isə Lerikdən seçilən İqbal Məmmədov layiq görülüb.

Sorğu zamanı "İlin ən pis siyasi təşkilatı” adını AMİP qazanıb. 

Bu sırada "İlin ən pis siyasətçisi” kimi isə BQP sədri, deputat Fazil Mustafa göstərilib.
 
Millət vəkili sorğunun nəticələrinə "facebook” sosial şəbəkəsində münasibətini açıqlayıb. 

Həmin açıqlamanı təqdim edirik: "Bakıda yaşayan ermənilərin yaratdığı bir qurum var. "Söz" Analitik Araşdırma Bürosu... Bu qurum gizli şəraitdə yaşayan ermənilər arasında rəy sorğusu keçirib və məlum olub ki, ilin ən pis siyasətçisi Fazil Mustafa, Qüdrət Həsənquliyev və Eldar Namazovdur. Bunu da informasiya agentliklərinə yayıblar. Görən ilin ən yaxşı siyasətçiləri kimdir? Sorğuda iştirak edən erməni vətəndaşlarımıza və onları ləyaqətlə təmsil edən "Söz" Analiitik Araşdırma Bürosuna təşəkkür edirik”.