Ə. Əhmədov bildirib ki, erməni cəmiyyəti ölkə vətəndaşlarının sayında azalmanın hansı həddə olduğundan xəbərdardır və gənclərin ölkədən qaçması haqda müfəssəl bilgiyə malikdir: "Bu bütövlükdə Ermənistandakı ictimai siyasi və mənəvi-psixoloji durumun ən qabarıq göstəricisidir. O ki, qaldı Azərbaycan ordusu ilə Ermənistanın hərbi imkanlarının müqayisə olunmasına, onu qeyd etmək istəyirəm ki, Azərbaycanda orduya dövlət büdcəsindən ayrılan vəsaitin miqdarı bütövlükdə Ermənistanın dövlət büdcəsindən artıqdır. Hesab edirəm ki, bunun özü də çox maraqlı göstəricidir”.

 

Ə. Əhmədov onu da qeyd edib ki, Ermənistanın rəhbərliyi və sıravi vətəndaşlar Azərbaycan Ordusunun döyüş qabiliyyətinin artmasından çox böyük qorxu hissi keçirir: "Azərbaycanın ordusu, Azərbaycan cəmiyyəti ölkənin ərazi bütövlüyünü bərpa etməyə, işğal altındakı torpaqlarını azad etməyə həmişə hazır olub. Bu gün də buna hazırdır. Sadəcə Azərbaycan rəhbərliyi və cəmiyyəti münaqişənin qan tökülmədən, müharibəyə yol vermədən nizamlanmasını, dinc yolla həll olunmasını istəyir. Nə qədər ki, bu imkanlar mövcuddur, Azərbaycan münaqişəni dinc yolla həll etməyə çalışacaq. Əgər sülh yolla münaqişənin həlli mümkün olmazsa, Azərbaycan xalqı qəti iradəsini ortaya qoyub pozulmuş ərazi bütövlüyünü qətiyyətlə təmin edəcək. Buna heç kimin şübhəsi yoxdur və Ermənistanda Serj Sarkisyan da daxil olmaqla bunu hamı bilir”.