Xəbərə görə, bunu Qətərin layihə ilə məşğul olan "Alnoor Holding” şirkətindən bildiriblər.

Şirkətin məlumatına əsasən, serial daha əvvəl nəzərdə tutulduğu kimi 3 yox, 7 tammetrajlı filmdən ibarət olacaq. Bu filmlər ingilis dilində çəkiləcək, daha sonra isə Qərbdə islam haqqında formalaşan yanlış təsəvvürlərin aradan qaldırılması üçün digər əcnəbi dillərə tərcümə olunacaq.

Filmin çəkiliş qrupunun əsas ekspertlərindən biri sünnilərin imamı Yusif əl-Karadavidir. Lakin şirkətin təmsilçiləri filmin çəkilişlərinə nə zaman başlanacağı barədə heç də deməyiblər.  

Qeyd edək ki, holdinq hələ 2009-cu ildə belə bir filmin çəkiləcəyi barədə anons yaymışdı. O vaxt filmin rejissorunun "Üzüklərin hökmdarı” və "Matrix” filmləri üzərində işləyən Barri Osbornun olacağı bildirilirdi. Filmin ilkin büdcəsi 150 milyon dəyərində nəzərdə tutulmuşdu.