Hollandiyalı əsgərlər bu gün Kahramanmaraşa yollanacaqlar.
Türkiyənin Suriya ilə sərhəddə yerləşdirməyi planlaşdırdığı "Patriot" havadan müdafiə sistemlərinin müxtəlif bölgələrdə quraşdırılması üçün Hollandiyadan 15 nəfərlik əsgər heyəti Adana şəhərinə gəlib.
"Patriot" raket sistemlərindən istifadə edəcək hollandiyalı hərbçilər türk əsgərlərinin müşayiəti ilə Adanadakı "İncirlik" aviabazasına gediblər. Onların bir hissəsi bu gün Kahramanmaraşa gedərək, orada hazırlığa başlayacaq.
