Bu gün səhər saatlarında pakistanlı həkimlər yenidən hücuma məruz qalıblar. Teleqraf.com-un məlumatına görə, hücumlar Əfqanıstan sərhədi yaxınlığında, Pakistanın şimal-qərbindəki Peşvar əyalətində baş verib.
Bildirilir ki, bölgədə polimilitə qarşı vaksinasiya aparan 6 tibb işçisi bir neçə gün bundan öncə öldürülüb. Bu günsə peyvənd həyata keçirmək istəyən daha bir tibb işçisi yaralanıb.
Məlumata görə, Pakistanın bu ərazisində yerləşən əhalinin çoxu radikal islamistdir və onlar bu peyvəndə qarşıdırlar. Lakin bu virusun yayılması Pakistan da daxil olmaqla regiondakı ölkələrdə getdikcə genişlənir.
Peyvəndi həyata keçirən məsul şəxslərin polisə verdiyi məlumata görə, radikal islamistlər peyvənd olan hər yerdə yanğın törədir, vaksinasiya edənləri yaralayırlar. Hətta peyvənin aparılmasına razılıq verən yerli sakinlər də təzyiqlə üzləşiblər.
Son məlumatlara görə, hücumlar Peşvarın qonşu şəhərləri Novşera və Karsadda da baş verib. Hakimiyyət isə bununla bağlı tədbirlər görməyi planlaşdırır.
|