Qafqazın XVIII əsrdə tərtib edilmiş xəritəsində ermənilərlə bağlı heç bir ərazi və yer yoxdur Qafqazın XVIII əsrdə tərtib edilmiş xəritəsi Misirin İsgəndəriyyə Kitabxanasından Gəncəyə gətirilib. Milli Elmlər Akademiyasından verilən məlumata görə, xəritə Londonda saxlanılıb. Daha sonra isə İsgəndəriyyə Kitabxanasının arxivində qorunub. Xəritələrin özəlliyi ondadır ki, orada ermənilərlə bağlı heç bir ərazi və yer yoxdur.
AMEA Gəncə Regional Elmi Mərkəzinin direktor müavini Samir Pişnamazzadənin verdiyi məlumata görə, Misirin İsgəndəriyyə Kitabxanasının direktoru, doktor İsmayıl Serageldinin Gəncəyə hədiyyə etdiyi bu qiymətli tarixi sənəd 1705, 1780 və 1795-ci illərdə Böyük Britaniya kəşfiyyatı tərəfindən hazırlanıb.
Müxtəlif illərdə tərtib edilmiş və 3 hissədən ibarət olan xəritədə Dağlıq Qarabağın Azərbaycana aid olduğu öz əksini tapıb. Xəritədə ermənilərin yaşadıqları indiki ərazilər Azərbaycanın əyaləti kimi təqdim olunmuşdur. Burada açıq-aşkar Qarabağın adının olması, Eçmiəddin ərazisinin Üçməzin, hətta Sevan gölünün üzərində Qarabağ yazılması bütün erməni iddialarını rədd edir.
| 
