Bakıxanov qəsəbəsi dəmiryol meydanında ticarət obyektləri olan mülkiyyətçilər Gunxeber.com-a müraciət ediblər. Həmin müraciəti və əldə etdiyimiz əlavə məlumatları təqdim edirik:

"Biz Bakıxanov qəsəbəsi dəmiryol meydanında ticarət obyektləri olan mülkiyyətcilər sizdən xahiş edirik ki, ticarət mağazalarımızın olduğu ərazilərin satılması barədə araşdırma aparasınız.
Abadlıq aparmaq adi ilə Sabunçu Rayon İcra Hakimiyyətinin əli ilə mağazalarımızı söküb yerində isə özlərinə üç mərtəbə böyük ticarət mərkəzi tikmək istəyirlər. Ərazini dəmir borularla  hasarlamağa başlayıblar.
Qnuna görə əvvəlcədən razılaşdırılmalı, kompensasiya verilməli, obyektləri ancaq dövlət ehtiyaclarına görə almaq olar.
Sabunçu Rayon  İcra Hakimiyyəti isə zəngin bir şəxs üçün ticarət mərkəzi tikmək üçün bazarlıq edir. Dövlətə lazım olsa başqa məsələ . Belə dərd olar? Fakt və məqsəd budur ki, sənin dükanını söküm özümə böyük ticarət mərkəzi tikim.
Ərazidə 10-larla adam cörək pulu qazanır. 60- yaxın mağaza var.
Istənilən cür təmir və tikinti aparmağa özümüz hazırıq”.

Qeyd edək ki, ərazidə aparılan qazıntı işləri ilə bağlı Bakıxanov qəsəbəsində yolun İsmət Qayıbov adına stadiondan Bakıxanov stansiyasına qədər olan hissəsində nəqliyyatın hərəkəti demək olar ki, maksimum məhdudlaşıb.

Mülkiyyətçilər bu özbaınalıqla barıçmayacaqlarını bildirilər.

Məsələ ilə bağlı qarşı tərəfin də mövqeyini dərc etməyə hazırıq.