"Balakəndə zəlzələ ocağında seysmik gərginlik tam boşalmayıb. Bu bölgədə seysmik təkanlar hələ bir müddət ara-sıra davam edəcək”.

Bunu APA-ya Azərbaycan Milli Elmlər Akademiyasının (AMEA) Respublika Seysmoloji Xidmət Mərkəzinin (RSXM) baş direktoruQurban Yetirmişli bildirib. O deyib ki, bu, şimal-qərb bölgəsində dərinlik qırılmalarının nəticəsidir.

Q.Yetirmişli həmçinin deyib ki, Şamaxı-İsmayıllı bölgəsində də aktivlik azalmayıb: "Bu bölgə həmişə aktivdir, Şamaxı bölgəsində daim güclü zəlzələ ola bilər”.