Şok iddia: “Ded Xasan”nın və PKK-çı qadınların qətli arasında əlaqə var - 19 January 2013

"Baş verənlər Türkiyədə başladılmaq istənən sülh prosesini baltalamaq istəyən qüvvələrin işidir”

Yanvarın 16-da Rusiyanın paytaxtı Moskvada güllələnərək öldürülən "Ded Xasan” ləqəbli "qanuni oğru” Aslan Usoyanın qətli ilə Fransanın paytaxtı Parisdə 3 PKK mənsubu qadının qətli arasında əlaqə olduğu iddia olunub. "Ded Xasan”ın PKK terror təşkilatı ilə əməkdaşlıq etdiyini və onlara silah təmin etdiyini yazan İtalyanın "Corriere della Sera” qəzeti iddia edib ki, baş verənlər Türkiyədə başladılmaq istənən sülh prosesini baltalamaq istəyən qüvvələrin işidir.

Qəzetdə həmçinin bildirilib ki, PKK terror təşkilatına "Kalaşnikov" avtomatı və ya qumbaraatan lazım olduğu zaman bunu nağd pul və ya narkotik qarşılığında "Ded Xasan” təmin edirmiş.