Ukraynada təxminən üç həftədir davam edən soyuq hava ölkə daxilində 37 nəfərin ölümünə səbəb olub. Səhiyyə Nazirliyindən verilən məlumatda mənfi 20 dərəcəyə qədər düşən temperatura görə son 24 saat içində 19 nəfərin donaraq həyatını itirdiyi qeyd edilir. Həyatını itirənlərin çoxunun evsiz və yaşlı insanlar olduğu bildirilir.Şiddətli fırtına və qar ucbatından nəqliyyatın çətinliklə təmin edildiyi bölgələrdə donma təhlükəsi daha çoxdur. Lakin səlahiyyətlilər donmaq üzrə olan 190 nəfərin qurtarıldığını və 162 nəfərin müalicə edildiyini bildirib.Xatırladaq ki, Ukraynada keçən il soyuq hava şəraitinə görə 130-dan çox insan həyatını itirmişdi.