Azərbaycan Hərbi Dəniz Qüvvələrinin zabiti - 2-ci dərəcəli kapitan (polkovnik-leytenant) Akif Qasımov etiraz əlaməti olaraq aclıq aksiyasına başlayıb.
Məlumatda bildirilir ki, A.Qasımov hesab edir ki, Hərbi Dəniz Qüvvələrinin Komandanlığı ona qarşı qərəzli və ədalətsiz mövqe tutaraq onun məharət dərəcəsini ləğv edib. Bunun nəticəsi olaraq dənizçi zabit aylıq gəlirlərinin bir hissəsini itirib. Mənbənin verdiyi məlumata görə A.Qasımovun etiraz aksiyası keçirməsinə əsas verən başqa səbəblər də var. 2-ci dərəcəli kapitan aclıq aksiyasını birbaşa Hərbi Dəniz Qüvvələrinin (HDQ) Qərargahının binasında keçirir. Hal-hazırda onu binadan çıxarmağa cəhd edirlər. Məsələyə Ordu rəhbərliyi qarışıb. Müdafiə Nazirliyinin şəxsi heyətlə iş idarəsinin və hüquq idarəsinin əməkdaşları HDQ-nin Qərargahına gəlib araşdırma aparırlar.
|