11-ci mərtəbədən yıxılan qadın ölmədi - 19 December 2012

Qadının ailəsində isə, onun ruhi xəstə olduğunu və ev sakinlərinin nəzarətindən yayınaraq pəncərədən yıxıldığını bildiriblər

İslamazeri.az İnternet Qəzetinin xüsusi müxbirinin verdiyi xəbərə görə, Bakıda qeyri-adi hadisə baş verib.
Belə ki, Həzi Aslanov metrostansiyasının yaxınılığında yerləşən yeni istifadəyə verilmiş 16 mərtəbəli binanın 11-ci mərtəbəsində yerləşən mənzilin sakini olan Məmmədova Nuranə(ad şərtidir), həmin mənzilin pəncərəsindən yıxılıb.

Yıxılan qadının paltarı, 10-cu mərtəbədəki yaşayış olmayan, təmir işi gedən mənzilin açıq qalmış pəncərəsinə ilişib və o pəncərədən asılı qalıb.
Pəncərənin çərçivəsinin kənarından yapışan qadın yuxarı qalxa bilməyib və kömək üçün qışqırmağa başlayıb.

Hadisə yerində olan təmir gedən evin sahibi və İslamazeri.az-ın əməkdaşı evə girib, qadını yuxarı qaldırıb xilas edə biliblər.

Qadınla qısa danışıqdan sonra, onda ruhi xəstəlik əlamətləri müşahidə edən İslamazeri.az-ın əməkdaşı qadını yaşadığı evə gətirib. Hadisədən yalnız bundan sonra xəbər tutan qadının ailəsində isə, onun ruhi xəstə olduğunu və ev sakinlərinin nəzarətindən yayınaraq pəncərədən yıxıldığını bildiriblər.