Hinidstan KİV-inin Amanat şərti adı ilə təqdim etdiyi 23 yaşlı qız Nyu-Dehli şəhərində avtobusda altı sərxoş kişi tərəfindən zorlanmış və döyülmüşdü. Bu hadisə Hindistanda kütləvi etiraz aksiyalarına səbəb oldu. İnsanlar yalnız hadisəni törədənlərin edam edilməsini yox, həm də qadınlara qarşı zorakılıqla mübarizə tədbirlərinin görülməsini tələb edirdi.

Cümə axşamı Amanatın vəziyyəti pisləşib. Qızı təyyarə ilə Hindistandan müalicə üçün Sinqapura aparıblar. Tələbə üzərində üç dəfə əməliyyat aparılıb, qanqrena təhlükəsi ilə əlaqədar bağırsağının bir hissəsi kəsilib. O, son günlərini süni nəfəs aparatına qoşulu vəziyyətdə keçirib.

Qeyd edək ki, Hindistan hökuməti səs-küyülü cinayətin araşdırılması üçün xüsusi komissiya yaradıb və şəhərlərdə təhlükəsizlik tədbirlərinin gücləndiriləcəyini vəd edib. Hadisəni törədənlərin altısı da saxlanılıb, insidentin baş verdiyi rayonda növbə çəkən polis əməkdaşları işdən çıxarılıblar. Qızı zorlayanların məhkəməsi yanvarın 3-də başlamalıdır.