Bakıdakı 7 nömrəli cəzaçəkmə müəsissəsinin ərazisində narkotik ötürülməsi cəhdinin qarşısı alınıb.

Bu barədə SalamNews-a Penitensiar Xidmətin ictimaiyyətlə əlaqələr şöbəsindən məlumat verilib.

Bildirilib ki, həyata keçirilmiş əməliyyat-axtarış tədbirləri nəticəsində 7 saylı cəzaçəkmə müəssisəsində cəza çəkən 1979-cu il təvəllüdlü, Azərbaycan Respublikası Cinayət Məcəlləsinin 177.2.4; 206.4; 234.4.1; 234.4.3; 66.3-cü maddələri ilə təqsirli bilinərək 8 il müddətinə azadlıqdan məhrum edilmiş məhkum Bəşirov Əli İmaməli oğluna həyat yoldaşı Astara rayon sakini Məmmədova Bahar Əli qızının gətirdiyi sovqata baxış keçirilən zaman orada olan "Üç inək” pendirinin içərisindən ağ sellofana bükülmüş ümumi xalis çəkisi 2,7 qram olan narkotik maddə - "Heroin” aşkarlanaraq götürülüb.

Fakt üzrə araşdırma aparılır.