Bu barədə 34-cü polis bölməsinə Seymurun atası Şahin Səmədov məlumat verib. Ş.Səmədov bildirib ki, oğlu təzə evlənibmiş və bankların birində çalışırmış. Məzuniyyətdə olduğu vaxt iş yerindən hansısa sənədi imzalamaq üçün onu işə çağırıblar. 

Bu səbəbdən evdən çıxan Seymur Səmədov bir daha geri qayıtmayıb. Onun işə gedib çıxmadığı bildirilir. Mobil telefonuna isə zəng çatmır.

Hazırda polis onun axtarışları istiqamətində əməliyyat keçirir.