Ordu rəsmiləri yanlışlıq olduğunu bildiriblər Cənubi Sudanda Rusiya helikopteri vurulub. İTAR-TASS-a istinadən verilən məlumata görə, Mi-8 helikopterinin vurulması nəticəsində beş nəfər həlak olub. Helikopter BMT-nin Cənubi Sudandakı sülhməramlı missiyasına id olub. BMT baş katibinin rəsmi nümayəndəsi Eduardo Del Buey bildirib ki, helikopter kəşfiyyat uçuşu edirmiş.
Cənubi Sudan ordusu Mi-8 helikopterinin vurulduğunu təsdiqləyib. Ordu rəsmiləri bəyan ediblər ki, BMT ilə müqavilə əsasında işləyən helikopterin düşmənə məxsus olduğunu güman ediblər.
"Təəssüf ki, artilleriya onu düşmən helikopteri sanıb və atəş açıb. Çünki BMT-dən helikopter uçuşu ilə bağlı heç bir məlumat daxil olmayıb. BMT-nin helikopter göndərdiyini o vuruldundan 15 dəqiqə sonra öyrənmişik”, - ordunun nümayəndəsi Filip Aqer deyib.
|