İrəvanın "Ararat" kinoteatrının yanında yolka satan alverçilər qəzetin müxbiri ilə söhbətində bildiriblər ki, orta hesabla süni yolkaların qiyməti keçən ilə baxanda 3 - 5 min dram (7,4 - 12,3 dollar) bahalaşıb. Sözügedən yerdə yolkaların qiyməti 170 dollara qədər qalxıb ki, bu da Ermənistan üçün çox yüksək qiymətdir, orta maaş göstəricisinin (300 dollar) 57 faizi qədərdir. Yəni orta səviyyəli erməni ailəsi maaşının yarıdan çoxunu evə milad yolkası almağa yönəltməlidir. Özü də dindar xristian ermənilər üçün yolka ağacı həm də dini səciyyə daşıyır, çünki İsa Məsihin məhz yolka ağacının altında dünyaya gəldiyinə inanırlar. Yəni almağa məcburdurlar. 

Amma bununla belə, yoxsulluq üzündən onlar üçün müqəddəs olan bu rəmzi ağac parçasını ala bilmirlər. Bunu "Ararat” kinoteatrının yanında işləyən alverçilər də deyir. Onların sözlərinə görə, yoxsulluq üzündən keçən ilin eyni dövrü ilə müqayisədə yolka alanların sayı 20% azalıb. Yəni yoxsulluq üçün erməni ailələrinin daha 20 faizi İsa Məsihin dünyaya göz açmasına şahidlik etmiş milad küknarını öz evində görə bilməyəcək.