“Ermənistan rəhbərliyində professionallıq çatışmır“ - 24 December 2012

Levon Ayrapetyan: "Ölkədə antimilli və amoral dəyərlər təbliğ olunur"

"Açıq şəkildə görünür ki, Ermənistan rəhbərliyində professionallıq çatışmır".

Azeri-xeber.ucoz.com xəbər verir ki, bunu erməni gənclərin "Susmayacağıq" hərəkatının üzvləri ilə görüşündə əslən Dağlıq Qarabağdan olan rusiyalı biznesmen Levon Ayrapetyan deyib.

O, bildirib ki, Ermənistanda pensiyaların 6 dollar artırılması əsl biabırçılıqdır: "Əgər oliqarxları Ermənistanın xarici borcunu bağlamağa məcbur etsələr, onda qocaların pensiyasını 6 deyil, 100 dollar artırmaq olar. Bundan başlamaq lazımdır".

L.Ayrapetyan onu da əlavə edib ki, o, acgöz erməni biznesmenlerin siyasətə gəlmək və bununla da daha çox qazanmaq arzusunu başa düşəbilmir: "Kənardan bunu müşahidə edən erməni diasporu üzvlərinin tükləri biz-biz olur".

O, həmçinin Ermənistanda antimilli və amoral dəyərlərin təbliğ olunmasından təəssüfləndiyini bildirib: "Niyə televiziyalarda bu meyllər təbliğ olunur. Axı buna baxan uşaqlar quldur, xuliqan, oğru olmaq istəyirlər. Bu məni çox hiddətləndirir".