Əfqanıstanda işğalçı NATO qüvvələri tərəfindən terrorçulara qarşı yerləşdirildiyi iddia edilən köhnə bir minanın partlaması nəticəsində on qız uşağı həyatını itirib. Yerli hakimiyyət dairələrinin məlumatına görə, hadisə ölkənin şərqində Nanqarxar əyalətində baş verib, - "BBC”.

Ölən qızların əksəriyyəti 9-11 yaşındadır. Qızlar həyatyani sahədə oynayan zaman onlardan biri köhnə minanın üstünə düşüb. Yaranan partlayış nəticəsində ən azı on qız uşağı həyatını itirib. Daha iki nəfər ağır vəziyyətdə xəstəxanaya çatdırılıb.

Eyni zamanda bu gün paytaxt Kabulda da güclü partlayış baş verib. Yerli televiziyanın məlumatına görə, partlayış Celalabad istiqamətində gedən yolda baş verib. Ölən və yaralananlar barədə dəqiq məlumat verilmir.