İraqda böhra genişlənir: Bərzani Bağdadın neftini kəsib - 27 December 2012

İraqın mərkəzi hökuməti ilə regional Kürd rəhbərliyi arasında böhran getdikdə dərinləşməkdədir. Şimali Kürd Regionu rəhbərliyi Bağdada gedən mərkəzi neft boru kəmərinə neft verilməsini dayandırıb, - "haberturk”.

İraq Regional Kürd rəhbərliyinin Təbbi Sərvətlər İdarəsinin müşaviri Əli Hüseyn Bal bildirib ki, Bağdad hökuməti kürd bölgəsində çalışan neft şirkətlərinin 848 milyon dollarlıq borcunu qaytarmadığından Bağdada neft verilməsi dayandırılıb.

Bağdadın yalnız 550 milyon dollar ödəyəcəyini bildirən Əli Hüseyn İraq mərkəzi neft boru kəmərinə şimal regionundan neft verilməsinin dayandırıldığını təsdiqləyib. Onun sözlərinə görə, hər gün mərkəzi neft boru kəmərinə 180 min barel neft nəql edilib.

Bağdad rəhbərliyi ilə kürdlərin söz verildiyindən daha az neft verdiklərini və bunun müqabilində bütün ödəmələrin həyata keçirildiyini bəyan edib.