Gürcüstan baş naziri Bidzina İvanişvili Azərbaycana səfəri çərçivəsində gürcüstanlı jurnalistlərin suallarını cavablandırıb. "Qruziya Online" saytına istinadən verilən məlumata görə, B. İvanişvili Azərbaycanın rəhbər şəxsləri ilə görüşünün təəssüratları haqda bölüşüb: "Mən gördüm ki, Azərbaycan öz ölkəsi və xalqı üçün böyük işlər görən əsl dövlətdir".
B. İvanişvili Azərbaycanın rəhbər şəxslərinin ölkəni idarə etmək cəhətdən uzaqgörənlik nümayiş etdirdiyini bildirib. "Azərbaycan prezidenti və baş naziri ilə görüşdə mən əmin oldum ki, bizim ölkələr arasında gözəl əlaqələr var. Əgər Azərbaycanla Gürcüstan arasında kiçik anlaşılmazlıq olsa belə, bu problemləri dostluq şəraitində həll edə bilərik", - deyə İvanişli qeyd edib.
