"Əlbəttə,  Azərbaycanın Afrika ölkələrində səfirliklərinin açılması yaxşı haldır. Ancaq biz on deputat bir məsələni nəzərə çatdırmaq istəyirik. Mən, Zahid Oruc, Fərəc Quliyev, Qüdrət Həsənquliyev, Qənirə Paşayeva və digər deputatlar hesab edirik ki, Şimali Kipr Türk Cümhuriyyəti ilə əlaqələri inkişaf etdirək. Biz sizinlə məsləhət etmək istəyirik. Mümkündürsə, bununla bağlı parlamentdə işçi qrupu yaradılsın . Çünki bizdən Kiprə çoxlu sayda vətəndaşlar gedir”.

Bu sözləri parlamentin iclasında millət vəkili Fazil Mustafa səsləndirib.

Spiker Oqtay Əsədov isə ona etiraz edib: 

"Bu bizim maraqlarımıza uyğun deyil. Siz də hər dəfə bu məsələni qaldırırsınız. Məsləhət eləmək istəyirsinizsə, birinci məsləhət edib sonra danışarlar. Bildiyiniz kimi burdan ora çarter reysləri olur, onlar bizdə nümayəndəliyi fəaliyyət göstərir. Məncə, məclisdə belə məsələləri qaldırmaq lazım deyil”.