Misirdə yeni hazırlanmış Konstitusiyanın qəbulu üzrə ölkənin əsas dörd şəhərində keçirilən referendum yekunlaşıb və ilkin nəticələr məlum olub. Hakim "Azadlıq və Ədalət Partiyası”nın seçim bürosunun məlumatına görə, xalq səsverməsində 56,5 faiz əhali Ana Yasanın qəbulunun leyhinə səs verib. Yekun nəticələr isə dekabrın 22-də keçiriləcək ikinci mərhələdən sonra elan olunacaq, - "haberturk”.

Keçirilən seçkilərdə əhalinin 38%-i iştirak edib. Paytaxt Qahirə də daxil olmaqla 10 bölgədə keçirilən referendumda insanların böyük marağı və iştirakı qeydə alınıb. Həmin gün ölkədə 120 min polis və 130 mindən çox hərbçi təhlükəsizliyə nəzarət edib. Səsvermə məntəqələrinin önündə böyük növbələr müşahidə edilib.

Mərkəzi Seçki Komissiyasının məlumatına görə, referendumun ilk mərhələsində 25 milyon 836 min qeydə alınmış seçicidən 8 milyon 176 nəfəri iştirak edib.