 Bu gün Bakı Ağır Cinayətlər Məhkəməsində quldurluq və soyğunçuluqda təqsirli bilinən Cəlilabad rayon sakini Aqşin Qəniyev, Oğuz rayon sakini Asiman Muradzadə və Beyləqan rayon sakini Məhəmməd Muradovun cinayət işi üzrə məhkəmə başa çatıb.
Prosesdə təqsirləndirilən şəxslərə hökm oxunub. Məhkəmənin hökmü ilə Asiman Muradzadə 9 il, Qşin Qəniyev 8 il, Məhəmməd Muradov 4 il müddətinə azadlıqdan məhrum ediliblər.
İttihama görə, təqsirləndirilən şəxslər Bakının Xətain rayonu, Neapol küçəsində Bakı şəhər sakini Əli Zeynalabdinova bıçaqla hədə-qorxu gələrək 50 manat və 2 ədəd mobil telefonunu alıblar.
Onlar Xətai rayon Polis İdarəsinin 34-cü polis bölməsi əməkdaşlarının keçirdikləri əməliyyat tədbirləri nəticəsində tutulublar. Araşdırmalar zamanı təqsirləndirilən şəxsin daha 10-dan çox soyğunçuluq və quldurluq cinayətləri törətmələri müəyyən edilib.
|
