Dekabrın 19-da Abşeron Rayon Məhkəməsinin hakimi İlham Kərimli müsavatçı fəal Nigar Yaqublunun işi üzrə hökm oxuyub"Media forum” saytı xəbər verir ki, hakim Nigar Yaqublunu 2 il 6 ay müddətinə azadlıqdan məhrum edib. Qərara görə, Nigar Yaqublu cəzasını məntəqə tipli cəzaçəkmə müəssisəsində çəkməlidir.
Dekabrın 17-də keçirilən məhkəmə prosesində prokuror Nigar Yaqublunun 4 il müddətinə azadlıqdan məhrum olunmasını, cəzasını məntəqə tipli cəzaçəkmə müəssisəsində çəkməsini təklif etmişdi. Nigar Yaqublu sentyabrın 11-də tutulub. Həbs müsavatçı Aydın Acalovun ölümü ilə nəticələnən avtomobil qəzasının istintaqı ilə bağlıdır. Qəza avqustun 25-də Bakıda baş verib. Aydın Acalovun maşını Ağcabədi rayon sakini Sadiq Xəlilovun idarə etdiyi "KAMAZ” markalı avtomaşınla toqquşub. Aydın Acalovun avtomobilini Nigar Yaqublu idarə edib. İstintaq iddia edib ki, qəza onun təqsiri üzündən baş verib.