Pakistanın Kəraçi şəhərində uşaq peyvəndi vuran beş tibb bacısı öldürüldü (video) - 19 December 2012

Birləşmiş Millətlər Təşkilatı tərəfindən dəstəklənən proqram çərçivəsində çalışan bir qrup tibb işçisinə mütəşəkkil hücum reallaşdırılıb. Terroir aktını hələ üzərinə götürən olmasa da, Taliban terror qruplaşması peyvənd işləri ilə məşğul olanları təhdid etmişdi.

Pakistan, Nigeriya və Əfqanıstanla birlikdə uşaq iflicinin bir epidemiya olaraq yayılmış olan dünyadakı son üç ölkədən biridir. Xəstəlik sinir sistemini hədəf alır və bir neçə saat içərisində qalıcı iflicə səbəb olur. Pakistanda 2011-ci ildə təxminən 200 uşaq bu xəstəlik ucbatından iflic olub. Buna görə də hökumət təcili vəziyyət elan edərək 33 milyon uşağı peyvənd etməyə qərar vermişdi.