1991-ci ildə İraqın Küveyti işğal etməsindən sonra bu ölkəyə qarşı keçirilən hərbi əməliyyata rəhbərlik etmiş amerikalı general Norman Şvartskopf (Norman Schwarzkopf) 78 yaşında vəfat edib.
"France Presse” agentliyinə istinadən verilən məlumata görə, bu barədə ABŞ hakimiyyət orqanları açıqlama yayıb.
1934-cü il təvəllüdlü N. Şvartskopf Vyetnam müharibəsinin veteranıdır. 1990-91-ci illərdəki Körfəz müharibəsi zamanı Səddam Hüseynin qoşunlarının Küveytdən çıxarılması ilə nəticələnən "Səhrada fırtına” və "Səhranın qılıncı” adı verilən hərbi əməliyyatlara rəhbərlik edib.
Müharibədən sonra o, ABŞ-ın ən yüksək dövlət mükafatlarından olan "Azadlıq” Prezident Medalı il təltif edilib.
