Neapollu model və aparıcı Françeska 27 yaşındadır.

"Hər şey ciddi və rəsmidir. Nişanlım neapollu Françeskadır. O, zahirən və batinən gözəldir. Mənə yaxşı münasibət bəsləyir, mən də onu xoşlayıram", - üç övladının anası ilə üç ildən bəri boşanma prosesində olan Berluskoni deyib.

Sabiq baş nazirin dediyinə görə, Françeska ilə 7 ildən bəri tanışdır.
Françeska Paskale sabiq baş nazirin pərəstişkarlarının klubunun rəhbəridir. O, fanatların yığdıqları pullara təyyarə sifariş verərək İtaliya sahilləri üzərində "Silvio, sənin üçün darıxırıq!" plakatı ilə uçmuşdu. Daha sonra bu plakat "Silvio, sənin üçün darıxıram" olmuşdu.

Silvio Berluskoninin dediyinə görə, Françeska Paskale hazırda onun yanında, seçki qərargahındadır.

"Françeska ilk nikahdan olan qızım Marinanın rəfiqəsidir. Mənə qarşı olan ittihamlar və məhkəmələrə görə hamıdan çox Marina qayğılanırdı. İndi o, mənə ana kimidir", - Berluskoni deyib.