Avstraliyada müsəlman tələbələr özlərinə məxsus bir tərzdə su israfının qarşısını almağa çalışıblar
Avstraliyada müsəlman tələbələr İslam peyğəmbəri Hz. Muhammədin (ƏS) su israfı barədə kəlamınının yazıldığı içməli su şüşəsinin fotoşəklini sosial şəbəkə saytlarında yayıb. "Haber7.com” saytının məlumatına görə, ilk baxışda fabrik istehsalı - hazır mal kimi görünən bu şəkillər "Facebook” və "Twitter” sosial şəbəkə saytlarında milyonlarla dəfə paylaşılıb. Məlum olub ki, "Macquarie” universitetinin tələbələri diqqəti dünyada olan su israfına cəlb etmək üçün belə bir addım atıblar. 
Qeyd edək ki, su şüşələrinin üstündə Hz. Muhammədə (ƏS) aid, "Coşğun çay kənarında dəstəmaz alsanız belə suyu israf etməyin” – Hədisinə yer verilib.
Məlumata görə, peyğəmbər kəlamlarının su şüşələrinə sonradan asıldığı bilinsə də fotoşəkillərin virtual dünyada yayılma reytinqinə baxaraq tələbələrin öz məqsədlərinə çatdığını güman etmək olar.
