Peşəvər şəhərində səhiyyə işçilərinə hücum zamanı daha 2 nəfər öldürülüb, 1 nəfər isə yaralanıb Pakistanın Peşəvər şəhərində infeksialı poliomielit xəstəliyinə qarşı peyvəndlənmə kompaniyasına başlayan UNİCEF-in səhiyyə işçiləri növbəti dəfə bir qrup silahlı şəxsin hücumuna məruz qalıb. Peşəvər polisinin verdiyi məlumata görə, bu dəfəki hücum zamanı daha 2 nəfər öldürülüb, 1 nəfər isə yaralanıb. Yaralının vəziyyəti ağır kimi qiymətləndirilir. Məlumata görə, silahlılar, eyni zamanda, Çarsəddə rayonunda da daha iki səhiyyə düşərgəsini hədəf alıblar, lakin buradakı hücumlar zamanı insan itkisi olmayıb.
Qeyd edək ki, iki gün öncə analoci hüjumlar zamanı UNİCEF-in 5 səhiyyə işçisi öldürülmüşdü. Hücumlarla əlaqədər olaraq UNİCEF və Dünya Səhiyyə Təşkilatı ölkənin 2 əyalətində peyvəndləmə fəaliyyətini müvəqqəti olaraq dayandırıb.
Qeyd edək ki, hücumlara görə, "Taliban" silahlıları məsuliyyəti öz üzərlərinə götürüblər və peyvəndləmə kompaniyasına son qoyulmayacağı təqdirdə hücumları davam etdirəcəkləri ilə bağlı xəbərdarlıq ediblər. Onların sözlərinə görə, kompaniya əslində, Amerika Birləşmiş Ştatalarının casus proqramına daxildir və uşaqlara vurulan dərmanlar onlara zərər yetirir.
|
