Ermənilərə qarşı irqçi ifadələrdə təqsirləndirilənlər barədə verilən həbs qərarı pul cəriməsi ilə əvəzlənib Xocalı qətliamının 20-ci ildönümü münasibətilə İstanbulun Taksim meydanında keçirilən mitinqdə ermənilərə qarşı irqçi ifadələrin yer verildiyi şüarlar daşıyan 6 nəfərin hər birinə 5 ay həbs cəzası verilib. Məhkəmə daha sonra həbs cəzasını 3 000 lirə (1 312 manat) cərimə ilə əvəzləyib.
Qeyd edək ki, məhkəmədə iştirak edən 10 müttəhimdən Derya Kabakçı, Burak Kahveçi, Cihan Dabak, Umut Akbulut, Hasan Hüseyin Kocabey və Kazım Büyükbunara Türkiyə Cinayət Məcəlləsinin 216-cı maddəsi ilə həbs cəzası verən hakim digər şübhəlilər Onur Gürecioğlu, Recep Aksoy, Arzu Bekçi və Samet Aksakalın azadlığa buraxılmasına qərar verib.
Xatırladaq ki, bu il fevral ayında Xocalı qətliamının 20-ci ildönümü səbəbilə İstanbulun Taksim meydanında "Xocalıya dəstək” aksiyası keçirilmişdi. İstanbul prokurorluğu aksiyada açılan bəzi şüarların xalqı kin və nifrətə sövq etdiyini iddia edərək 10 nəfər barəsində 1 ildən 3 ilə qədər həbs tələbi ilə məhkəmə iddiası qaldırmışdı.
| 
