Mərhum evdə kəsilən təbii qazın verilişini özü bərpa edərək sobanı yandırıb

Bakının Sabunçu rayonu Ramana qəsəbəsində ölümlə nəticələnən yanğın hadisəsi baş verib. Bədbəxt hadisə Xanlar küçəsində Ələkbərzadə ailəsinin yaşadığı 3 otaqlı fərdi yaşayış evində meydana gəlib. Əraziyə cəlb olunan FHN Dövlət yanğından mühafizə briqadalarının səyi ilə alovun qarşısı alınsa da, yanmış evdən 41 yaşlı Ələkbərzadə Fərhad Ələkbər oğlunun meyiti aşkarlanıb. İlkin ehtimala görə, mərhum tüstüdən boğulduqdan sonra yanıb.