ABŞ səfirini öldürənə üç kiloqram qızıl veriləcək - 1 January 2013

Əsas bazaları Yəməndə yerləşən Əl-Qaidə terror qruplaşması ölkədəki ABŞ səfiri Cerald Feyersteynin başı üçün mükafat təyin edib.Azeri-Xeber.ucoz.com xarici mətbuata istinadən xəbər verir ki, səfiri öldürən terrorçuya üç kiloqram qızıl və ya 160 min dollar mükafat veriləcək.

Onlar həmçinin Yəməndə öldürülən hər amerikalı əsgər üçün də 23 min dollar mükafat təyin ediblər. Terrorçular bildiriblər ki, bu müsəlmanları cihad etməyə həvəsləndirməlidir.

Xatırladaq ki, bu terror qruplaşması Vaşinqtonda ən təhlükəli hesab edilir. "Ərəb baharı” zamanı Yəmənin prezidenti Əli Abdulla Saleh devrildikdən sonra terrorçular öz hakimiyyətlərini gücləndirdilər. Onlarla mübarizədə yəmən hərbi qüvvələrinə ABŞ silahlı dəstələri kömək edir.