ABŞ əsgərlərindən Qurani-Kərimə növbəti təhqir - 10 January 2013

ABŞ-ın Türkiyənin Adana şəhərində yerləşən "İncirlik" hərbi bazasında yenidən müsəlmanların müqəddəs kitabı olan Qurani-Kərim təhqirə məruz qalıb. Bu barədə ictimaiyyətə Adanada gündəlik dərc olunan "Çukurova Mərhaba" qəzeti məlumat yayıb. Verilən məlumata görə, yeni il gecəsi İncirlik bazasında 39-cu "Wing" korpusunun əsgərləri sərxoş halda "Tanker" korpusundakı ibadət ocağına daxil olaraq oradakı minbər və pənəcərinin şüşələrini sındırıb. Bundan əlavə ibadət ocağında Qurani-Kərimin səhifələri də cırılaraq yerə səpələnib.

Qeyd edək ki, hadisə ilə əlaqədar "İncirlik" bəzasında iki türkiyəli zabitin başçılıq etdiyi istintaq qrupu yaradılsa da, mövzunun ictimailəşməməsi istiqamətində komandanlıqdan tapşırıq verilib./faktxeber.com/