Türkiyə baş naziri Rəcəb Tayyib Ərdoğanın qızının maaşı bütün ölkədə müzakirə obyektinə çevrilib.
Ədalət və İnkişaf Pertiyası (AKP) sədrinin müavini Hüseyn Çelik baş nazirin qızı Süməyya Ərdoğanın sözçülük vəzifəsinə görə bir qəpik də pul almadığını açıqlayıb: "Baş nazirimizin qızı Süməyya Ərdoğanın yüksək maaşla atasına sözcülük etdiyi iddiası tamamilə əsassızdır. Hömətli Süməyya Ərdoğan AKP-dən və rəsmi orqanlardan bir qəpik də məvacib almır".
Qeyd edək ki, Türkiyə mətbuatında Süməyya Ərdoğanın atasına sözcülük etdiyinə görə 52 min lirə (təqribən 26 min manat) məvacib aldığı barədə xəbərlər yayılıb.
