Naməlum şəxslər Dağıstanın Səməndər qəsəbəsində "Novoye delo” həftəliyinin baş redaktorunun müavininin evinin qarşısında saxladığı avtomobilində atəşə tutublar.

Azeri-Xeber xəbər agentliyinin "İnterfaks” agentliyinə istinadən verdiyi məlumata görə, "Toyota” markalı avtomobili atəşə tutan cinayətkarlar daha sonra qaçıblar. 

Dünən "Kavkazskiy uzel” nəşrinin əməkdaşı Əhmədnəbi Əhmədnəbiyevin avtomobili də atəşə tutulub. Əhmədnəbi Əhmədnəbiyev özü xəsarət almayıb. Cinayətkarlar dövlət nömrəsi olmayan "Lada Priora” markalı minik avtomobilində olublar.