 Əziz İslam Peyğəmbəri Həzrət Muhəmmədə (s) qarşı bundan öncə həqarət edərək qalmaqallı karikaturalar dərc edən və bununla da bütün İslam dünyasının etirazlarına səbəb olan Fransanın satirik "Charlie Hebdo” jurnalı növbəti də Peyğəmbərinə (s) qarşı həqarət edib.
"NTV”nin məlumatına görə, jurnal bu dəfə əziz İslam Peyğəmbərinə (ə) qarşı həqarət etmək məqsədilə komikslər (xüsusi üslublu rəsmlər) dərc edib. Jurnal rəhbərliyi isə iddia edir ki, onların məqsədi Həzrət Muhəmmədə (s) qarşı həqarət etmək deyil, o Həzrətin (s) həyatı haqqında guya "məlumat" verməkdir.
"Muhəmməd kimə məxsusdur? Bütün dünyaya. Əlbəttə, o, müsəlmanların peyğəmbəridir. Lakin, o, digərləri üçün tarixi bir şəxsiyyətdir. Ona görə də hər bir kəs belə bir rəsmlərçəkə bilər”, - deyə jurnal rəhbərliyi həyasızcasına iddia edib.
Xatırladaq ki, bu ilin sentyabr ayında sözügedən jurnal İslam Peyğəmbərinə (s) qarşı karikaturalar dərc etmiş və "Müsəlman məsumluğu” adlı fitnəkar filmdən sonra müsəlman dünyasını yenidən ayağa qaldırmışdı. Bu vaxt Fransa bir sıra müsəlman ölkələrində səfirliyini bağlamış, jurnalın redaktoru Stefan Şarbon isə polisə gətirilmişdi.
|
