"Nə olub ki? Bacına nəsə edib?"
Türkiyədə qeyri-adi boşanma ajiotaj yaradıb. 6 aylıq evli olan Xədicə K. və Səid K. toy kasetlərinə baxarkən aralarında mübahisə yaşanıb. Belə ki, Səid K. həyat yoldaşının qardaşını lentdə gördükdə "Qardaşının tipinə bax" deyib.
Gənc qadın isə ərinə heç bir cavab verməyib. Bir az keçdikdən sonra Səid yenidən ekrana gələn qaynının şəklinə "Bunun tipinə bax, tipinə" deyə yenə həqarət edib. Bunu eşidən Xədicə K. "Nə olub ki? Bacına nəsə edib?" deyərək cavab qaytarıb.
Bu cavabdan əsəbiləşən ər arvadını döyməyə başlayıb. Xədicə K. baş verən hadisdən anasına danışıb. Bundan sonra gənc qadın həkimə gedərək döyüldüyü haqqında arayış alıb. Bununla da kifayətlənməyən qadın həyat yoldaşı haqqında polisə şikayət edib. Səid K. məhkəmənin qərarı ilə 6 ay azadlıqdan məhrum edilib.
Xədicə K. ərindən boşanmaq üçün məhkəməyə də müraciət edib.
|