Onun sözlərinə görə, havanın temperaturu ötən günlərlə müqayisədə yanvarın 9-da və 10-da 5-10 dərəcə enəcək. Yanvarın 9-u axşam saatlarında və 10-da gün ərzində, yanvarın 11-i səhərədək hava fasiələrlə yağıntılı olacaq. Bu proses sulu qarla başlayacaq. Yanvarın 10-da gün ərzində arabir qar yağacaq. Eyni zamanda, bu proses şimal küləyinin güclənməsi ilə müşahidə olunacaq. Küləyin maksimal sürəti saniyədə 15-20, arabir 25 metrə çatacaq. Havanın temperaturu yanvarın 9-da gecə 0-2 dərəcə isti, gündüz 2-4 dərəcəyə yaxın isti olacaq. Tağıyeva deyib ki, yanvarın 10-da gecə və gündüz saatlarında eyni temperatur müşahidə olunacaq. Həmin gün 1 dərəcə istidən 2 dərəcəyədək şaxta proqnozlaşdırılır.

Azərbaycanın rayonlarında isə bu proses yanvarın 8-i axşam şimal və qərb rayonlarından başlayacaq və yanvarın 11-i səhərədək davam edəcək.

Hava fasilələrlə yağıntılı olacaq, sulu qar və qar yağacaq. Yağıntıların vəzi rayonlarda intensivləşəcəyi də proqnozlaşdırılır.
Temperaturunun kəskin aşağı enməsi, havanın şaxtalı olması ilə əlaqədar yolların buz bağlayacağı ehtimalı var.