Ermənistan Azərbaycanın Dağlıq Qarabağ bölgəsindəki Xocalı aeroportunu bərpa edib. Dağlıq Qarabağdakı separatçı rejimin baş naziri yaxın vaxtlarda hava limanında texniki uçuşlara başlanacağını bəyan edib. İrəvandan Xankəndinə reyslərin təşkili üçün alınmış təyyarənin artıq Ermənistana gətirildiyi də açıqlanıb. Qondarma rejimin rəsmisi deyib ki, aeroportdan ilk olaraq texniki xarakterli, daha sonra isə sərnişindaşıma məqsədli uçuşlar həyata keçiriləcək. 

Rəsmi Bakı isə bəyan edir ki, Xocalı aeroportuna icazəsiz uçuşların qarşısı alınacaq. Azərbaycan tərəfi Xocalı aeroportunun açılmasını danışıqlar prosesinə ciddi zərbə kimi qiymətləndirərək mülki aviasiyaya dair Çikaqo konvensiyasına zidd olduğunu bəyan edib.