Səid Şirzad hakimiyyət əleyhinə təbliğat aparmaqda və ayətullahı təhqir etməkdə günahlandırılıb

2012-ci avqustun 11-də İranın Şərqi Azərbaycan vilayətində baş vermiş zəlzələ bölgəsinə yardım apardığına görə həbs olunmuş azərbaycanlı fəal bir il azadlıqdan məhrum edilib. APA-nın HRANA-ya istinadən verdiyi məlumata görə, Səid Şirzad hakimiyyətin əleyhinə təbliğat aparmaqda və İranın ali dini lideri, ayətullah Əli Xamneyini təhqir etməkdə günahlandırılıb. Qərar azərbaycanlı fəalın vəkili Şima Quşəyə təqdim olunub. Hökm 5 il müddətinə keçərli olmaqla şərti azadlıqdan məhrumetmə cəzası ilə əvəzlənib.