Lotereyada 1 mln dollar udan şəxs öldürüldü - 8 January 2013

Amerika Birləşmiş Ştatlarının Çikaqo şəhərində lotereyada 1 milyon dollar udan şəxsin pulları aldıqdan bir gün sonra zəhərlənərək öldürüldüyü ortaya çıxıb. 46 yaşlı Oruc Xan adlı şəxsin sağlamlığı ilə bağlı yaranmış problem nəticəsində dünyasını dəyişdiyi ehtimal edilirdi. Hadisə ötən ilin iyulunda baş versə də, istintaq bu yaxınlarda uduşlu lotereya sahibinin sianid turşusu ilə zəhərləndiyini aşkar edib.

Həmin şəxs Həcc ziyarətindən qayıtdıqdan sonra qumar oyunlarını atdığını elan etsə də, lotereyada 1 milyon dollar udduğunu öyrəndikdə bu pulu özünün kimyəvi təmizləmə biznesinə yatırmağa qərar verib. İlkin olaraq uduşun 600 min dollarını alan şəxs bir gün sonra evində ölü tapılıb. İstintaq hələ davam edir.