Məktəbli məktəblinin qanını tökdü - 18 January 2013

Sumqayıt şəhər Polis İdarəsindən "Verilən məlumata görə, "Qurd Dərəsi” adlandırılan Bağlar sahəsində İlham Vəlicanov münaqişə zəminində həmyerlisi Azər Səfərova bıçaqla xəsarət yetirib. Hadisəni törətməkdə şübhəli bilinən İ. Vəlicanov tutulub.

Daha bir bıçaqlanma hadisəsi Abşeron rayonunda baş verib. Mehdiabad qəsəbə sakini, 17 yaşlı Fərid Babazadəni naməlum şəxs yaşadığı evin yaxınlığında bıçaqlayıb.

O, ağır bıçaq yarası ilə xəstəxanaya yerləşdirilib. Vaxtında tibbi yardım göstərildiyindən onun həyatını xilas etmək mümkün olub. İlkin istintaqa ifadə verən F. Babazadə 10-cu sinifdə oxuduğunu bildirib. O, deyib ki, onu məktəbdən tanıdığı Rza adlı oğlan bıçaqlayıb.

Fərid Babazadə bildirib ki, məktəb şagirdlərinin istifadə etdiyi sosial şəbəkələrdən birində həmin oğlanla mübahisə edib. Sosial şəbəkədə yaranan mübahisə sonradan reallıqda davam etdirilib. Hər iki məktəbli küçədə görüşüblər. Görüş zamanı onların mübahisəsi daha da qızışıb. Nəticədə qanlı cinayət hadisəsi baş verib.