Məşhur ilahiyyatçıdan şok: "Sevişmək də namazdır!" - VİDEO - 14 January 2013

Azeri-Xeber Xəbər agentliyinin PiramitHaber-ə istinadən bildirir ki, "Habertürk" telekanalındakı "Öteki Gündem" proqramında aparıcı Pelin Çiftin suallarını cavablayarkən deyib:

"Sevişməklə namaz eynidir. Bir mömin müsəlman həyat yoldaşı ilə cinsi əlaqədə olursa, bu onun namazı təki ibadətidir. Yəni sevişmək, cinsi əlaqə eynən namaz qılmaq təki ibadətdir. İslamda cinsiyyət, cinsi münasibətlərə çox böyük önəm verilir. Müsəlman arvadın əri, ərin də arvadı ilə cinsi əlaqədə olması həmin adamın axirət həyatı üçün bir sərmayədir".

Professor Demircanın sözlərinə görə, müsəlman nikahdadırsa, ailə həyatı yaşayırsa, həyat yoldaşı ilə mütləq şəkildə cinsi əlaqədə olmalıdır.

"Ərin arvad, arvadın da ərlə cinsi əlaqədə olmaması zülmdür, günahdır. Cinsi həyatı ailədə normal yaşamaq bizləri, müsəlmanları zinadan, uşaqbazlıqdan, müxtəlif çirkin işlərdən qoruyur. Allahın rizası ilə olan işdir, savablı əməldir. Cinsi həyat da ibadətdir, çünki ibadət Allahın əmr və yasaqlarına riayət etməkdir. Namaz necə ibadətdirsə, sevişmək də elədir", - Demircan deyib.

İlahiyyatçı daha sonra bildirib ki, ailədə yeganə işləyən adam qadındırsa, evə pul gətirən, çörək pulunu qazanan şəxsdirsə, ərinin istədiyi vaxt onunla cinsi əlaqəyə girməmək hüququna malikdir. Əks təqdirdə əri onu boşamaq hüququna sahibdir.

"Ərlə arvad ailədə, nikahda cinsi həyatı normal yaşamırsa, onlar ikisi də günaha batır. Uca Allah ərlə arvadın cinsi əlaqədə olmasını istəməsəydi, biz insanlara cinsiyyət verərdimi, cinsi hisslər əta olunardımı?! Heç bir müsəlman nikahda "həyat yoldaşımla yatağa girmərəm" deyə bilməz. Bu, boşanma üçün tam hüquqi əsasdır", - professor Demircan söyləyib.