O, 1991-ci ildə Laçın rayonu yaxınlığında peşə borcunu yerinə yetirərkən şəhid olub
Bu gün Azərbaycanın Milli Qəhrəmanı, jurnalist - Salatın Əsgərovanın ölümündən 22 il keçir. O, 1991-ci il yanvarın 9-u, Birinci Qarabağ müharibəsinin qızğın dövründə növbəti reportajını hazırlamaq üçün Şuşaya yollanarkən Laçın - Şuşa yolunun 6-cı kilometrliyindəki Qaladərəsi kəndi yaxınlığında erməni silahlı qüvvələrinin qəfil hücumu nəticəsində şəhid olub. Onun getdiyi maşın mühasirəyə düşüb, daha sonra isə yaxın məsafədən şiddətli atəşə tutulub. Nəticədə Bakıya istedadlı jurnalistin növbəti reportajı yox, cənazəsi gəlib çıxıb.