İbrahim Musayev: "İzimə düşüb məni məhv etmək tapşırığı alanlar var”

Naxçıvan MTN-də işgəncələrdən dünyasını dəyişən Turac Zeynalov və onun ailəsinin başına gələnlərlə bağlı bir müddət əvvəl yaydığı etiraf xarakterli açıqlamalarla gündəmi silkələyən İbrahim Musayev "Azadlıq”a yeni məlumat göndərib. Xatırladaq ki, İ.Musayev Naxçıvan MTN-in əməkdaşı olub, T.Zeynalovun ailəsinə qarşı əməliyyatı icra edib və son anda öz ailəsini də götürərək ölkədən qaçıb. Hazırda Azərbaycandan kənarda yaşayır.

İ.Musayev bildirir ki, həyatına təhlükə hiss edir. Belə ki, onun Naxçıvandakı qohumlarını MR-in hüquq-mühafizə orqanlarına çağırılaraq incidir, onunla bağlı sorğu-suala çəkirlər. İ.Musayevin sözlərinə görə, qohumları vasitəsilə onun hazırda harada yaşadığını öyrənmək istəyirlər. "Qohumlarımı çağırıb mənimlə bağlı sorğu-suala çəkirlər, mənim yerimi soruşurlar. Belə başa düşürəm ki, harada olmağımdan asılı olmayaraq, izimə düşüb məni məhv etmək tapşırığı alan adamlar var” deyən Musayev iddia edir ki, bu, ona qarşı "dövlət terrorudur”.