Ötən gecə Azərbaycan ərazisində 3 yanğın hadisəsi qeydə alınıb.

FHN-nin saytına istinadən verilən xəbərə görə, Bakı şəhəri, Nəsimi rayonunda vətəndaşa məxsus ümumi sahəsi 130 kv.m olan birmərtəbəli 2 otaqlı evin dəhlizində arakəsmə divar 2 kv.m sahədə yanıb. Evin qalan hissəsi yanğından mühafizə olunub.

Abşeron şəhərində vətəndaşa məxsus ümumi sahəsi 180 kv.m olan birmərtəbəli 4 otaqlı evin 1 otağında ev əşyaları 4 kv.m sahədə və dam örtüyünün yanar konstruksiyaları 40 kv.m sahədə yanıb.

Şirvan şəhərində vətəndaşa məxsus ümumi sahəsi 120 kv.m olan mebel təmir sexində fəhlələrin soyunub-geyinmə otağının arakəsmə divarı 6 kv.m sahədə və bir ədəd divan yanıb.

Hadisələrin qarşısı vaxtında alınıb, xəsarət alan olmayıb.