Suriya xarici işlər naziri vəzifəsini icra edən Feysal Mekdad təmsil etdiyi rejim başçısının gələcək siyasi fəaliyyəti barədə açıqlama verib.
Xarici informasiya vasitələrinə istinadən əldə edilən məlumata görə, diplomat bildirib ki, Bəşar Əsəd 2014-cü ildə keçiriləcək prezident seçkisinə «ümumi əsaslarla» namizəd kimi qatılmaq niyyətindədir.
F.Mekdad «BBC»-yə müsahibəsində bildirib ki, Əsəd hakimiyyətin təhvil verilməsində bütün aksiyalarda vacib rol oynamağa hazırlaşır.
«Prezidentin barışıq dialoqu suriyalıların istəyini əks etdirir»-deyə, müvəqqəti nazir söyləyib.
Suriya müxalifəti isə Bəşar Əsədin «planından» artıq imtina edərək, onu «demoqoqiya» adlandırıblar.